AUKERATU ZURE ETORKIZUNA ROBLOXEKIN 👶 🧒 🧓🏻 👴🏻
Erabakiak hartzeko, bozkatzeko eta lehiatzeko joko batean datza, jokalariek gaurkotasuneko gaiei buruz duten ikuspuntua defendatzeko aukera izango dute. Auto autonomoak, bai ala ez? Robotak bikote gisa? Mugikorrerako jokoak edo ordenagailurako jokoak? Zientziak muga moralak izan beharko lituzke? Horiek dira “Aukeratu etorkizuna” atalean erantzun (eta defendatu) ditzakezuen galderetako batzuk.
Zertan datza? Oso erraza. Aretora sartzean, hiru pantaila dituen agertoki bat ikusiko duzue, bat erdian eta bi alboetan. Erdikoan galdera bat agertuko da, eta alboetan erantzunak. Alboetako pantaila bakoitzaren azpian oinarri bat dago, eta bertan sartu beharko da erantzuna aukeratzeko. Jokalari guztiek bozkatzen dutenean SOKATIRAN lehiatuko dira. Zenbat eta jokalari gehiagok erantzun bat izan, orduan eta errazagoa izango da jarrera hori defendatzea.
Proposatutako jolasarekin praktikatu ondoren, geurea garatuko dugu. Diseinua, konfigurazioa, galderen programazioa eta SOKATIRA sistema mugikorra animazioekin.
